Homenaxe ás vítimas do franquismo ( 31 de outubro, Día da Memoria e Homenaxe a todas as vítimas do golpe militar, a Guerra e a Ditadura). Acto en Ourense o 28 outubro (organiza Comisión Executiva municipal do PSdeG de Ourense)

 

Aprobada en outubro de 2022, a Lei de Memoria Democrática busca promover o coñecemento das etapas democráticas da historia de España e manter a memoria das vítimas da guerra española e da ditadura franquista.

Esta Lei de Memoria Democrática está destinada a toda a sociedade en xeral e, en particular, a todas as vítimas que sufriron danos físicos, morais, psicolóxicos ou patrimoniais, ou viron socavados os seus dereitos fundamentais, como consecuencia das violacións das normas internacionais de dereitos humanos e do dereito internacional humanitario durante o período que abrangue o golpe de estado do 18 de xullo de 1936, a guerra posterior e a ditadura, incluído o período ata a entrada en vigor da Constitución de 1978.
Nesa Lei estableceu varias datas como días oficiais de Memoria: o 31 de outubro, como Día da Memoria e Homenaxe a todas as vítimas do golpe militar, a Guerra e a Ditadura; e o 8 de maio, como Día de lembranza e homenaxe ás vítimas do exilio como consecuencia da Guerra e da Ditadura.

--------------------------------

Imaxe tomada de https://psdegpsoeourense.es/wp-content/uploads/2024/10/cartel_vitimasgcfranquismo.jpeg?w=1024

A Comisión Executiva municipal do PSdeG de Ourense organiza un acto para homenaxear ás vítimas da guerra civil e o franquismo no que se abordará a lei de Memoria Democrática.

https://psdegpsoeourense.es/2024/10/21/organizamos-un-acto-para-homenaxear-as-vitimas-da-guerra-civil-e-o-franquismo-no-que-se-abordara-a-lei-de-memoria-democratica/?fbclid=IwY2xjawGESSBleHRuA2FlbQIxMAABHZ5gfpG0fszyJIvaCqK6B67n37lPw4UCucFnbnm66b0Hn4nkOUJlz5IIKg_aem_q08PPZDacU_tO0e1ZzHtew

 O encontro terá lugar o vindeiro luns, 28 de outubro, ás 19.30 horas no Centro Cultural Marcos Valcárcel e nel se abordará, entre outros aspectos, a Lei de Memoria Democrática
Contará coas intervencións da secretaria xeral, Natalia González; o secretario de Memoria Democrática, Xosé Lois Carrión, así como o subdelegado do Goberno en Ourense, Eladio Santos, e a secretaria xeral de XX.SS. de Ourense, Alba Iglesias.

 Ourense, 21 de outubro de 2024. A Comisión Executiva Municipal do PSdeG-PSOE, da man da secretaria xeral, Natalia González, o secretario de Memoria Democrática, Xosé Lois Carrión, así como o subdelegado do Goberno en Ourense, Eladio Santos, e a secretaria xeral de XX.SS. de Ourense, Alba Iglesias, homenaxeará ás vítimas da guerra civil e o franquismo o vindeiro luns, 28 de outubro, cun acto que terá lugar no Centro Cultural Marcos Valcárcel.
 Trátase dunha homenaxe que non só recorda ás persoas asasinadas, tamén a aqueles que tiveron que exiliarse ou resultaron presas en cárceres e campos de concentración ou traballo, ademais de abordar distintos aspectos da Lei de Memoria Democrática aprobada hai dous anos nas Cortes Xerais. “Esta normativa fundaméntase no firme convencemento de que o coñecemento do noso pasado recente contribúe a asentar a nosa convivencia sobre bases máis firmes, protexéndonos de repetir os seus erros”, destaca Natalia González.
 Pola súa banda, Xosé Lois Carrión engade que a lei “sitúa ás vítimas da guerra e da ditadura franquista no centro da acción pública e das políticas de memoria democrática, que teñen por obxecto dar cumprimento aos principios do dereito internacional dos dereitos humanos de verdade, xustiza, reparación e garantías de non repetición”. 

+++++++++++++++++++++++++++++++++++++++++++++++++++++++++++++++++

Dentistas e ciruxanos d´a boca "Galeguizando Galicia"...alá polo século XIX

Anuncio de M.R. Lapela en A Monteira (Lugo)  1889

Descoñezo si Xosé González Martínez ("Pepe de Redondela") ou os membros e directiva da Irmandade da Sanidade Galega (ISAGA) ou os do colectivo Galeguizar Galicia, xa tiñan noticias destes dentistas de Lugo e Ourense que usaban a lingua galega nos anuncios que publicaban nalgúns xornais de Galicia a finais do seculo XIX.

Valga ista entrada pra, dalgún xeito, adherirnos dende  o blog  "Diario de un médico de guardia" ao Homenaxe a Xosé González que Galeguizar Galicia organiza o 31 de marzo no Castelo de Soutomaior (Pontevedra). Pra os leitores do blog que non saiban quen é a figura homenaxeada, deixamos un enlace a un breve artigo que escribiu hai uns días en www.praza.gal o médico Pablo Vaamonde sobor da traxectoria e traballo feito por Pepe de Redondela, o cal "Nas últimas décadas fixo unha labor de gran trascendencia para “galeguizar Galicia”, en defensa da cultura e da lingua propia"(tomado do artigo "Xosé González, un dos imprescindibles", por Pablo Vaamonde ( ver)), 

 Así, o dentista Manuel Rodríguez Lapela, que parece foi nado en Portomarín-Lugo, publicou moitos anuncios (cun toque de humor) en galego no semanario "A Monteira", un xornal en lingua galega editado en Lugo entre 1889-1890.

Tiña a sua consulta na rúa San Pedro 19 da cidade de Lugo naqueles anos, ainda que logo tivo gabinetes noutras rúas da cidade alomenos ata 1912.

Anuncio de M.R. Lapela en A Monteira, xaneiro 1890

Anuncio de M.R. Lapela en A Monteira, xaneiro 1890

Mais tamén en Ourense houbo dentistas e outros médico que se anunciaban en galego a finales do século XIX.. (Ao igual que no caso de Lapela no periódico A Monteira, ra un galego non moi do século XXI, diagmos pouco normativo... pero a intención vale).. Así foi o caso do dentista Antonio García del Villar, quen en 1894-1895 no diario As Burgas, editado en Ourense, facía publicidade en galego do seu gabinete dental na rúa do "Estetuto, 2" (penso que era a rúa Instituto, 2..actual Lamas Carvajal)... Neste semanal ourensán e nos mesmos números, podemos ler anuncios en galego do oculista Alonso Hernández, con gabinete na rúa Alba número 9.

Publicidade das consultas do dentista A. García del Villar e do oculista F Alonso Hernández. Periódico semanal As Burgas, 1895 (Ourense)

Retrato de A,García del Villar (Arquivo familia García Péza, Ou)

Publicidade das cosnultas do dentista A. García del Villar e do oculista F Alonso Hernánde, publicada no semanario As Burgas, 1895 (Ourense)