 |
| O xeneral Caminero en http://abrumoso.blogspot.com/ |
 |
| Añadir leyenda |
Dous republicanos en "Brumoso": o xeneral Caminero e o doctor Manuel Fábrega Coello
Falouse do xeneral republicano Caminero, dos "carrilanos" da vía do ferrocarril Lubián-Ourense, de "Brumoso", de "Amigo Medo", de Lubián, do doctor republicano Manuel Fábrega Coello que foi fusilado no 36 por axudar ao general Caminero a pasar a Portugal... Este médico ourensano fusilado polos franquistas era o médico de Lubián-Zamora, mais tiña moitos contactos coa sua cidade natal, na cal o seu curmán Luis Fábrega Coello foi presidente da Deputación entre 1931 e 1933 cun goberno de maioría republicano-socialista. De todo eso e de algunhas outras historias falouse hai poucos días no Colexio de Médicos de Ourense na presentación do libro "Médicos ourensanos represaliados na Guerra Civil e a posguerra" (2010)... Hoxe nun blog amigo, http://abrumoso.blogspot.com/, Xavier López Rodríguez, autor de la novela "Amigo Medo" aporta unha nova pista do xeneral Caminero grazas ás novas tecnoloxías..
A historia do paso de Caminero polas terras das Portelas (As Portillas, Sanabria Alta, Lubián, Hermisende... terras zamoranas galego-falantes) en xullo do 36 xa foi recollida en traballos de investigación sobre a represión franquista en Galicia e en Castela-León (por autores como Dionisio Pereira, Xulio Prada, Emilio Grandío, Pilar de la Granja...). pero a historia do xeneral Caminero que se conta en "Amigo Medo" da para unha boa película. Lean "Amigo Medo" (Ed.A Nosa Terra, 2002) e visiten as terras de "Lubicán" e "Brumoso" que lindan coas terras das Frieiras (A Mezquita-A Gudiña en Ourense).
 |
| Paisaxe de Hermisende-Zamora http://www.flickr.com/photos/34418105@N08/3580567119/sizes/m/in/photostream/ |
 |
| Territorio de "Brumoso", Hermisende-Zamora http://abrumoso.blogspot.com/ |
