martes, 6 de julio de 2010

O novo rumbo da sanidade galega (O goberno de progreso fixo globalmente unha boa xestión da sanidade galega).

Nuevo artículo, lúcido y valiente, del médico y escritor coruñés Pablo Vaamonde en Galiciaconfidencial.com, que recomendamos a todos los lectores de "Diario de un médico de guardia..." en este día en que la Xunta presenta su "Plan Estratéxico para el SERGAS 2010-2014". Es también un día en que el presidente de la Xunta ha reconocido en público "que es "necesario" buscar "algún ticket" en la sanidad para afrontar el gasto farmacéutico y determinadas asistencias médicas al igual que sucede con el resto de países de Europa" (ver feijoo y el ticket) .
El artículo del Dr. Vaamonde: O NOVO RUMBO DA SANIDADE GALEGA

O novo rumbo da sanidade galega

O goberno de progreso fixo globalmente unha boa xestión da sanidade galega. Por Pablo Vaamonde | A Coruña | 06/07/2010.

Foron catro anos de intenso traballo co obxectivo de afortalar o sistema público e de reducir a dimensión dos principais puntos negros: as excesivas demoras, as ineficiencias e os parasitismos. Puxéronse en marcha numerosos proxectos que agora empezan a ser percibidos pola cidadanía. Se cadra o máis salientable é a potenciación das tecnoloxías da información, onde se realizou un avance notable que nos sitúa na avangarda neste terreo. Pero non se soubo contar. Ninguén explicou de xeito adecuado o que se estaba a facer e cales eran os obxectivos. Faltou debuxar o que Lakoff chama o "marco conceptual" que permitise darlle coherencia á narración de tanto esforzo colectivo. A oposición fixo moito ruído durante a lexislatura e o goberno non soubo crear un relato propio que puxese en valor o seu traballo.
Despois de gañar as eleccións, o PP deseguida deseñou o seu escenario: "estamos en crise, non hai diñeiro". O presidente prometeu facer unha política de austeridade que non ía afectar á sanidade e á educación, piares básicos do Estado do benestar. Non cumpriu a súa promesa, e reduciu os orzamentos destes dous departamentos para o presente ano por primeira vez na historia da autonomía. A crise tamén serve de excusa para paralizar todos os proxectos en marcha (a renovación tecnolóxica, a mellora da atención primaria) e para baixarlle o salario aos traballadores da sanidade por enriba do proposto polo Goberno central.
Tamén paralizaron os proxectos construtivos que tiña en marcha o goberno anterior (Hospital de Vigo, centros de saúde da área sur), para ser substituídos de inmediato por outros nos que participan empresas privadas, e que van ser moito máis costosos para as arcas públicas. Todo parece indicar que, neste terreo, non se persigue a austeridade senón o beneficio particular a expensas dos orzamentos públicos. Así procederon hai anos os gobernantes de Madrid e de Valencia: hoxe atópanse coa sanidade pública ao borde da quebra.
A austeridade tampouco afecta ao afán propagandístico. A Consellería acaba de anunciar  no BOE a contratación, por vía de urxencia, dunha campaña publicitaria sobre a modernización da sanidade pública en Galicia –impulsada e realizada polo goberno anterior-. Custo total: un millón de euros. A conselleira ten unha posta en escea moi definida: o integrismo relixioso e a beatería. Pero detrás desta representación agóchanse os principais vectores desta nova etapa política: o negocio e a propaganda.

2 comentarios:

David Simón-Lorda dijo...

La Xunta presenta la estrategia del Sergas con objetivos ya conocidos
Feijóo se comprometió una vez más a reducir el gasto en fármacos a pesar de que el Plan de Xenéricos de Farjas mantiene Galicia a la cola de España.
http://www.xornal.com/artigo/2010/07/07/sociedad/xunta-presenta-estrategia-sergas-objetivos-conocidos/2010070700075603998.html

David Simón-Lorda dijo...

Feijoo cuestiona la sostenibilidad del Sergas si no se cambia el modelo
Sanidade presenta la renovación del sistema público de salud, que prevé ahorrar 140 millones hasta el 2014 y salvar la sanidad gallega.
http://www.lavozdegalicia.es/galicia/2010/07/07/0003_8596031.htm